Valoración de bens: Documentación necesaria

O artigo 90 da Lei 58/2003 Xeral Tributaria dispón:

Artigo 90. Información con carácter previo a adquisición ou transmisión de bens inmobles.

1. Cada Administración tributaria informará, a solicitude do interesado e en relación cos tributos cuxa xestión lle corresponda, sobre o valor a efectos fiscais dos iens inmobles que, situados no territorio da súa competencia, vaian a ser obxecto de adquisición ou transmisión.
2. Esta información terá efectos vinculantes durante un prazo de tres meses, contados desde a notificación ao interesado, sempre que a solicitude se formulara con carácter previo a finalización do prazo para presentar a correspondente autoliquidación ou declaración e se proporcionaran datos verdadeiros e suficientes a la Administración tributaria.
   
   Dita información non impedirá a posterior comprobación administrativa dos elementos de feito e circunstancias manifestados polo obrigado tributario.
3. O interesado non poderá interpoñer recurso algún contra a información comunicada. Poderá facelo contra o acto ou actos administrativos que se dicten posteriormente en relación coa devandita información.
   
   A falta de contestación non implicará a aceptación do valor que, no seu caso, se incluíra na solicitude do interesado.

Para a solicitude da valoración previa, o solicitante deberá presentar en calquera oficina xestora da Consellería de Economía e Facenda a seguinte documentación:

• Se non é titular do ben, unha autorización do titular.
• Solicitude de valoración.
• Ficha de datos segundo o tipo de ben e a documentación que en cada ficha se establece segundo se trate de: vivenda unifamiliar, vivenda colectiva, solo urbano, finca rústica, local comercial, construcción industrial.