Transmisións Patrimoniales e Actos Xurídicos Documentados

TRANSMISIÓN DE INMOBLES E CONSTITUCIÓN DE DEREITOS REAIS.

Lei 2/1998, do 8 de abril, de Medidas Tributarias, de Réxime Orzamentario, Función Pública, Patrimonio, Organización e Xestión.

Xeral: 7%.

Trasmisión a persoas con minusvalía do 65% ou máis: 4% de vivenda habitual.

Bonificación do 50% na cota en transmisións patrimoniais onerosas e na de actos xurídicos documentados polos actos e contratos que conteñan transmisións de terreos para a construción de parques empresariais e  as agrupacións, agregacións, segregacións ou declaracións de obra nova que se realicen sobor terreos situados nos mesmos, sempre e cando estes parques empresariais sexan consecuencia do Plan Dinamización Económica de Galicia previsto para as áreas Costa da Morte ou dinamización prioritaria de Lugo y Ourense.

Bonificación do 100% na cota en arrendamentos de vivendas entre particulares con intermediación do Instituto Galego de Vivenda e Chan, no programa de vivenda do aluguer.

TRANSMISIÓN DE EMBARCACIÓNS DE RECREO E MOTORES MARIÑOS.

Lei 14/2004, do 29 de decembro, de Medidas Tributarias e Réximen Fiscal.

Xeral: 1%

PRIMERAS COPIAS DE ESCRITURAS E ACTAS NOTARIAIS.

Lei 7/2002, do 27 de decembro, de Medidas Fiscais e Réxime Administrativo.

Xeral: 1%.

Escrituras para primeira adquisición de vivenda habitual ou prestamos hipotecarios para a adquisición da mesma: 0.75%.

Bonificación 75% da cota  nas escrituras para declaración de obra nova e división horizontal de edificios destinados a aluguer. Deberá consignarse no documento que o promotor da edificación se vai dedicar directamente á súa explotación no réxime de arrendamento e destinar a esta actividade  a totalidade das vivendas existentes na edificación.

A bonificación entenderase concedida provisionalmente e estará condicionada a que dentro dos dez anos seguintes á finalización da construcción non se produzan calquera das seguintes circunstancias:

1. Que existan alguna vivenda que non estivese arrendada durante un periodo continuado de dous anos.
2. Que se realice a trasmisión dalgunha das vivendas.
3. Que algún dos contratos de arrendamento se asinase por un período inferior a catro meses.
4. Que algún dos contratos de arrendamento teña por obxeto unha vivenda amoblada e o arrendador se obrigue á prestación dalgún dos servizos complementarios propios da industria hostaleira, como restaurante, limpeza, lavado de roupa ou outro análogos.
5. Que algún dos contratos de arrendamento se asinase a favor de persoas que teñan a condición de parentes, ata o terceiro grao inclusive, co promotor ou promotores, se estes fosen empresarios individuais, ou cos socios, consellerios ou administradores, se a promotora fose persoa xurídica.

Bonificación 50% da cota da modalidade de actos xurídicos documentados, referida ao gravamen gradual, polas primeiras copias de escrituras e actas notariais mentres conteñan os seguintes actos ou contratos relacionados con vivendas de protección autonómica que non gocen de exención:

1. Trasmisión de soares e cesión do dereito de superficia para a súa construcción.
2. Declaracións de obra nova e constitución de edificios en réxime de propiedade horizontal.
3. Primeira transmisión inter vivos do dominio de vivenda.

PRIMERAS COPIAS DE ESCRITURAS E ACTAS NOTARIAIS QUE DOCUMENTEN TRANSMISIÓNS DE BENS INMOBLES ONDE SE RENUNCIE Á EXENCIÓN DE IVA.

Lei 9/2003, do 23 de decembro, de medidas tributarias e administrativas.

Xeral: 2%.

1. As transimisonesde terreos rústicos do Banco de Terras de Galicia, mediante a súa alienación ou cesión a través dos mecanismos previstos na presente Lei, gozarán dunha dedución na cota tributaria do noventa e cinco por cento no imposto de transmisións patrimoniais e actos xurídicos documentados. Este beneficio fiscal será incompatible con calquera outro que puidese ser de aplicación a esas transmisións.

2. A aplicación do devandito beneficio fiscal quedará condicionada ao mantemento durante un período mínimo de cinco anos do desntioagrario do terreo, salvo nos supostos de expropiación para a construción de infraestruturas públicas ou de edificación de instalacións ou construcións asociadas a laaexplotación agraria.

3. En caso de incumprimento da devandita condición, o beneficiario deberá ingresar o importe do beneficio gozado máis os xuros de mora, mediante a presentación dunha autoliquidación complementaria no prazo de trinta días hábiles dende o incumprimento da condición.