Guía de mediación de seguros e mutualidades de previsión social
MEDIACIÓN DE SEGUROS PRIVADOS
Réxime competencial
Esta competencia vén determinada pola Lei Orgánica 6/1999, do 6 de abril, de transferencia de competencias á Comunidade Autónoma de Galicia, pola que se transfire á Comunidade Autónoma a competencia en materia de ordenación do crédito, banca e seguros.
Disposicións de desenvolvemento:
- Real Decreto 1748/1999, do 19 de novembro, sobre traspaso de funcións e servicios da Administración do Estado á Comunidade Autónoma de Galicia en materia de mediadores de seguros.
- Decreto 312/1999, do 16 de decembro, polo que se asumen funcións e servicios transferidos á Comunidade Autónoma de Galicia mediante o Real Decreto 1748/1999, do 19 de novembro, en materia de mediadores de seguros e se lle asignan á Consellería de Economía e Facenda.
Normativa
A regulación autonómica na materia concrétase nas seguintes normas:
- Decreto 118/2001, do 10 de maio, polo que se regulan as competencias da Comunidade Autónoma en materia de mediación en seguros privados. (1)
- Orde do 18 de xullo de 2000 pola que se crea o Rexistro de Corredores de Seguros, de Sociedades de Corredoría de Seguros e dos seus Altos Cargos e o Rexistro de Diplomas de Mediador de Seguros Titulado.
- Orde do 17 de xuño de 2005 sobre os libros-rexistros e o deber de información estatístico-contable dos corredores de seguros e as sociedades de corredoría de seguros.
(1) A Lei 26/2006, do 17 de xullo, de mediación de seguros e reaseguros privados ven de modificar a regulación na materia. Na disposición final primeira da referida norma establécese o carácter básico da maior parte do seu articulado, sendo polo tanto de aplicación directa. O Decreto autonómico 118/2001 segue vixente naqueles aspectos que non se opoñan ao disposto na citada Lei 26/2006.
Dado o carácter en xeral básico da normativa estatal, rexen supletoriamente as seguintes disposicións:
- Lei 26/2006, do 17 de xullo, de mediación de seguros e reaseguros privados.
- Real Decreto 301/2004, do 20 de febreiro, polo que se regulan os libros-rexistros e o deber de información estatístico-contable dos corredores de seguros e as sociedades de corredoría de seguros.
- Orde ECO/734/2004, do 11 de marzo, sobre os departamentos e servicios de atención ó cliente e o defensor do cliente das entidades financeiras.
Normativa europea:
Procedementos administrativos
Expedición do diploma de mediador de seguros titulado.
O 19 de xullo de 2006 entra en vigor a Lei 26/2006, do 17 de xullo, de mediación de seguros e reaseguros privados que derroga a Lei 9/1992, do 30 de abril, de mediación en seguros privados. Coa nova norma desaparece o diploma de mediador de seguros titulado regulado no artigo 8 do Decreto 118/2001, do 10 de maio, polo que se regulan as competencias da Comunidade Autónoma en materia de mediación en seguros privados e polo tanto tamén o procedemento para a súa expedición.
Soamente se expedirán diplomas de mediador de seguros titulado que teñan data de entrada da solicitude anterior ao 19 de xullo de 2006 e a aquelas solicitudes ás que lle sexa de aplicación o disposto na disposición transitoria quinta da Lei 26/2006.
Inscrición no Rexistro administrativo de mediadores de seguros como corredor de seguros (persoa física), corredoría de seguros (persoa xurídica), axente de seguros vinculado (persoa física), sociedade de axencia de seguros vinculada (persoa xurídica) ou operador de banca-seguros vinculado.
Os interesados deberán cumprir cos requisitos establecidos na Lei 26/2006, do 17 de xullo, de mediación de seguros e reaseguros privados.
- Prazo máximo de resolución: 6 meses
- Silencio administrativo: negativo
- Modelo de solicitude e documentación que se debe achegar
Rexistros administrativos
Rexistro de diplomas de mediador de seguros titulado.
Regúlase no Capítulo II (artigos 13 a 15) da Orde da Consellería de Economía e Facenda do 18 de xullo de 2000, pola que se crea o Rexistro de Corredores de Seguros, de Sociedades de Corredoría de Seguros e dos seus altos cargos e o Rexistro de Diplomas de Mediador de Seguros Titulado.
Rexistro de corredores de seguros, de sociedades de corredoría de seguros e dos seus altos cargos.
Regúlase no Capítulo I (artigos 1 a 12) da Orde da Consellería de Economía e Facenda do 18 de xullo de 2000, pola que se crea o Rexistro de Corredores de Seguros, de Sociedades de Corredoría de Seguros e dos seus altos cargos e o Rexistro de Diplomas de Mediador de Seguros Titulado.
Relación de corredores e corredorías inscritos no rexistro autonómico ata a data.
MUTUALIDADES DE PREVISIÓN SOCIAL
Réxime competencial
Esta competencia vén determinada pola Lei Orgánica 16/1995, do 27 de decembro, de transferencia de competencias á Comunidade Autónoma de Galicia, pola que se transfire á Comunidade Autónoma a competencia sobre as mutualidades de previsión social non integradas na Seguridade Social.
Disposicións de desenvolvemento:
- Real Decreto 1642/1996, do 5 de xullo, sobre traspaso de funcións e servicios da Administración do Estado á Comunidade Autónoma de Galicia en materia de mutualidades de previsión social non integradas na Seguridade Social.
- Decreto 340/1996, do 13 de setembro, polo que se asumen funcións e servicios transferidos á Comunidade Autónoma de Galicia mediante o Real Decreto 1642/1996, do 5 de xullo, en materia de mutualidades de previsión social non integradas na Seguridade Social e se asignan á Consellería de Economía e Facenda.
Normativa
A regulación autonómica na materia concrétase nas seguintes normas:
- Orde do 5 de maio de 1999 pola que se crea o Rexistro Autonómico de Mutualidades de Previsión Social Non Integradas na Seguridade Social.
- Decreto 277/1999, do 14 de outubro, polo que se regula a cualificación de xubilación mutual protexida.
Dado o carácter en xeral básico da normativa estatal, rexen supletoriamente as seguintes disposicións
- Real Decreto Lexislativo 6/2004, do 24 de outubro, polo que se aproba o texto refundido da Lei de ordenación e supervisión dos seguros privados.
- Real Decreto 1430/2002, do 27 de decembro, polo que se aproba o Regulamento de mutualidades de previsión social.
- Real Decreto 2486/1998, do 20 de novembro, polo que se aproba o Regulamento de ordenación e supervisión dos seguros privados.
- Orde ECO/734/2004, do 11 de marzo, sobre os departamentos e servicios de atención ó cliente e o defensor do cliente das entidades financeiras.
Rexistro de Mutualidades de Previsión Social non Integradas na Seguridade Social
Regúlase pola Orde da Consellería de Economía e Facenda do 5 de maio de 1999, pola que se crea o Rexistro Autonómico de Mutualidades de Previsión Social non Integradas na Seguridade Social.
Relación de Mutualidades de Previsión Social inscritas no rexistro autonómico ata a data.
Consultas
- Mutualidades: 981 - 54 51 61 / 981 - 54 49 74
- Mediación: 981 - 54 51 65 / 981 - 54 49 74
- Fax: 981 - 95 73 54
- Correo electrónico: operacionsfinanceiraseseguros@xuntaeco.org