ORDE DO 29 DE XUÑO DE 1994 POLA QUE SE REGULA O PROCEDEMENTO DE RECADACIÓN VOLUNTARIA DAS TAXAS E PREZOS DA COMUNIDADE AUTÓNOMA DE GALICIA. (1) (D.O.G. nº 145, de 29 de xullo de 1994). (2)

(1) As referencias á Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia, así como ó Decreto lexislativo 1/1992, do 11 de abril, polo que se aproba o texto articulado das bases contidas no capítulo 3º do título II da mesma, entenderanse realizadas á Lei 6/2003, do 9 de decembro, de taxas, prezos e exaccións da Comunidade Autónoma de Galicia.

(2) Corrección de erros (D.O.G. nº 184, do 22 de setembro de 1994)

Sumario

| Saltar sumario | | |

O Decreto 172/1992, do 26 de xuño, polo que se es­tablecen as normas para a xestión, liquidación e recadación das taxas e prezos públicos da Comunidade Autónoma,. dispón no seu artigo 10 que "a xestión recadatoria en período voluntario das taxas e prezos públicos da Comunidade Autónoma de Galicia correspóndelle en exclusiva á Consellería de Economía e Facenda". Así mesmo, o artigo 14 determina os medios considerados como xustificante do pagamento das taxas e prezos públicos.

A Orde do 30 de xuño de 1992 regulamenta o procedemento para a recadación voluntaria das taxas da Comunidade Autónoma de Galicia a través de entidades financeiras, facéndose necesaria unha regulamentación específica para a recadación dos prezos públicos e privados .

Por iso, en uso das facultades conferidas pola disposición adicional primeira do citado Decreto 17211992. do 26 de xuño,

DISPOÑO

Artigo 1º

A xestión recadatoria en período voluntario dos prezos públicos e privados da Comunidade Autónoma de Galicia, que debe realizarse a través de entidades financeiras, queda encomendada ás delegacións da Consellería de Economía e Facenda das capitais de provincia.

Artigo 2º (3)

Os ingresos realizaranse nas contas restrinxas abertas nas entidades colaboradoras especificamente autorizadas para a recadación de taxas e prezos da Comunidade Autónoma de Galicia, titulada : "Tesouro Facenda Pública galega, - conta restrinxida. Delegación Territorial da Consellería de Economía e Facenda de ________________, por taxas e prezos". (4)

(3) Entenderase que esta é a redacción do artigo 2, de acordo co artigo 1 da Orde do 31 de xullo de 1997, pola que se regula o procedemento de presentación centralizada de ingresos polas entidades colaboradoras.

(4) Redacción dada polo artigo 1 da Orde do 2 de abril de 1997, da Consellería de Economía e Facenda, pola que se modifican determinados artigos da Orde do 29 de xuño de 1994, pola que se regula o procedemento de recadación voluntaria das taxas e prezos da Comunidade Autónoma de Galicia.

Artigo 3º

Os ingresos poderán realizarse en calquera oficina da rede das entidades financeiras que canalizarán os ditos ingresos á conta restrinxida de recadación centralizada correspondente á provincia na que radique o servizo ou organismo xestor do prezo público ou privado de que se trate.

Artigo 4º

Os ingresos efectuados nas entidades financeiras xurdirán efectos diante da Administración da Comunidade Autónoma na data na que se realizaron na oficina receptora do ingreso.

Artigo 5º

A administración e cobro dos prezos públicos ou privados que figuran relacionados no anexo I, axustarase ó proceso que se describe a continuación e documentaranse no modelo que con carácter básico figura no anexo III.

1. O documento ingreso consta de 3 exemplares: "exemplar para o órgano xestor", "exemplar para o interesado" e "exemplar para a entidade financeira".
2. Naqueles supostos nos que o órgano xestor o determine, poderá habilitarse un cuarto exemplar, que lle servirá como antecedente da liquidación practicada, e no que se habilitara o oportuno cadro de notificación da liquidación, no que constará necesariamente se é o caso, data, nome e apelidos, D.N.I., e sinatura do receptor da notificación, para o suposto de que a notificación se practique nas propias dependencias de órgano xestor, e con independencia todo iso de que a notificación poida acreditarse por calquera dos outros medios admitidos en dereito.
3. O interesado procederá ó ingreso nalgún dos lugares de pagamento que nel se indican.
4. A entidade financeira, unha vez efectuado o ingreso, conservará no seu poder o exemplar que lle corresponde devolvéndolle ó interesado os dous exemplares restantes.
5. Os interesados, unha vez no seu poder os dous exemplares sinalados, presentarán diante do órgano xestor o exemplar destinado a este, co que quedará acreditado o pagamento, sendo requisito previo necesario para a prestación do servizo ou entrega do ben.
6. O número do modelo de ingreso irá precedido dunha letra ou combinación de varias, que distinguirá o prezo, o órgano xestor ou ámbolos dous á vez.

Artigo 6º

O documento de cobro dos prezos públicos e privados que figuran no anexo II instrumentaranse segundo a súa natureza en talonarios de entradas, de recibos ou outros medios similares, coas súas correspondentes matrices.

1. Os talonarios serán expedidos e selados polo órgano xestor.
2. Os encargados da xestión destes prezos, para proceder ó ingreso do cobrado en cada quincena natural, deberán cubri-lo modelo que figura como anexo III e ingresalo en calquera das entidades financeiras dentro dos sete días hábiles seguintes ó fin de cada unha.

Artigo 7º (5)

As entidades colaboradoras, nos prazos previstos no Regulamento xeral de recadación, é dicir, dentro dos sete días hábiles seguintes ó fin de cada quincena, ingresarán, mediante cheque nominativo cruzado a favor do Tesouro Público de Galicia, o recadado cada quincena polo concepto de taxas e prezos.

O ingreso instrumentarase co mandamento de ingreso TP01, debendo efectuarse ante o Servizo de Recadación da propia delegación territorial da Consellería de Economía e Facenda.

Cada quincena comprenderá dende o fin da anterior ata o día 5 ó 20 seguinte ou ata o inmediato hábil posterior, si o 5 ou 20 son inhábiles. A tales efectos, serán considerados días inhábiles os sábados.

Calquera que sexa o número de días inhábiles, o ingreso na conta do Tesouro Público deberá producirse no mesmo mes no que finaliza a quincena correspondente.

(5) Redacción dada polo art.2 da Orde do 2 de abril de 1997, da Consellería de Economía e Facenda, citada na nota anterior.

Artigo 8º (6)

Presentación dos ingresos mediante soporte magnético.

1. Ó mesmo tempo que se produce o ingreso, as entidades colaboradoras presentarán, en soporte magnético, ante o Servizo Central de Recadación da Dirección Xeral de Tributos, a información centralizada dos ingresos habidos en cada quincena, acompañado do anexo VIII sobre saldos ingresados por cada unha das delegacións territoriais.
   O Servizo Central de Recadación estampará data e sinatura no exemplar do anexo VIII destinado á entidade colaboradora, e que servirá a esta como xustificante da entrega do soporte.
2. O soporte magnético axustarase ás especificacións técnicas establecidas no anexo V.
   Co fin de que a información aportada polas entidades sexa incorporada correctamente ás correspondentes bases de datos, efectuarase un proceso de validación do soporte magnético polo Servizo Central de Recadación no que se verificará:
   1. Que las características do soporte axústanse ás especificacións sinaladas no anexo V.
   2. Que o total dos ingresos incluídos no soporte magnético coincide co importe ingresado segundo os mandamentos de ingreso e cos que figuran no anexo VIII de saldos.
   Concluído o proceso de validación do soporte magnético e dependendo do seu resultado, procederase a:
   1. A aceptación total do soporte, cando o proceso de validación non aparecera ningún tipo de coincidencia ou erro.
   2. O rexeitamento do soporte magnético cando no proceso de validación se detecten erros.
   O Servizo Central de Recadación comunicará á entidade financeira cando poida proceder a retirar o soporte para a súa corrección.
   O prazo para subsanar os erros detectados será como máximo de dous días hábiles desde que sexa requirida.

(6) Redacción dada polo art. 3 da Orde do 2 de abril de 1997, da Consellería de Economía e Facenda, previamente citada.

Artigo 9º (7)

(7) Suprimido polo art. 4 da Orde do 2 de abril de 1997, da Consellería de Economía e Facenda, previamente citada.

Artigo 10º

Os ingresos por taxas da Comunidade Autónoma terán no sucesivo tratamento descrito nos artigos 7 e seguintes da presente orde.

Artigo 11º

Esta orde non será aplicable ós prezos percibidos polo Servizo Galego de Saúde (Sergas) nin polo IGAPE.

Artigo 12º

Mantense en vigor a Orde da Consellería de Economía e Facenda, do 30 de xuño de 1992, pola que se regula o procedemento de recadación voluntaria das taxas da Comunidade Autónoma de Galicia en canto non se opoña o disposto na presente orde.

| |

DISPOSICIÓN ADICIONAL

Primeira

Nos supostos dos prezos da Consellería de Educación e Ordenación Universitaria que figuran no anexo I cos números de código: 35.07.00; 35.08.00; 35.09.00 e 36.08.00, o interesado cumprimentará o impreso que se le facilite no servizo correspondente e procederá ó seu ingreso en calquera das entidades sinaladas ó dorso do citado impreso, procedendo unha vez ingresado o importe e presentado o exemplar debidamente selado pola entidade bancaria á oportuna comprobación na secretaría do centro. Para verificar esta comprobación, nos supostos de aplicación dalgunha exención ou bonificación, xuntarase xustificación documental deste extremo.

Segunda

O anexo V da Orden do 30 de xuño de 1992, polo que se aproba o modelo de autoliquidación de taxas da Comunidade Autónoma de Galicia, modificado pola Orde do 13 de xaneiro de 1994, incrementase nos servizos de:

07. Consellería de Educación e Ordenación Universitaria.

• 03. Ensinanzas Medias.

11. Consellería de Sanidade e Servizos Sociais.

• 07. Servizos Sociais.

14. Consellería de Familia, Muller e Xuventude.

• 02. Garderías.
• 03. Xuventude.
• 04. Tempo Libre.

Terceira (8)

Autorízase á Dirección Xeral de Tributos a actualizar mediante resolución, por necesidades propias do servizo, os anexos I e II de la presente orde.

(8) Disposición Adicional engadida pola Orde do 24 de marzo de 1998 (D.O.G. nº 68, do 9 de abril de 1998).

| |

DISPOSICIÓN DERRADEIRA

Esta Orde entrará en vigor ó día seguinte ó día seguinte da súa publicación no Diario Oficial de Galicia.

Santiago de Compostela, 29 de xuño de 1994.
José Antonio Orza Fernández
Conselleiro de Economía e Facenda.

| |

ANEXO I. RELACIÓN PREZOS: CÓDIGO E DENOMINACIÓN. (9)

(9) Anexo actualizado polas resolucións da Dirección xeral de Tributos do 18 de decembro de 1998 (D.O.G. nº 1, do 4 de xaneiro de 1999), do 28 de decembro de 1999 (D.O.G. nº 8, de 13 de xaneiro de 2000), do 22 de decembro de 2000 (D.O.G. nº 1, de 2 de xaneiro de 2001), do 3 de abril de 2003 (D.O.G. nº 78, do 23 de abril de 2003), do 17 de decembro de 2003 (D.O.G. nº 251, do 29 de decembre de 2003) e do 23 de decembro de 2004 (D.O.G. nº 254 ,de 31 de decembro de 2004) e do 20 de decembro de 2006 (D.O.G. nº 249 ,de 29 de decembro de 2006) e do 20 de decembro de 2007 (DOG Nº 251, do 31 de decembro de 2007).

Relación prezos: código e denominación

CÓDIGO	DENOMINACIÓN
350500	Canóns de concesionarios de estacións de autobuses e centrais de mercancías
350600	Outros canóns
350700	Conservatorios de música e danza
350800	Escolas Oficiais de Idiomas
350900	Escola de Conservación e Restauración de Bens Culturais
351000	Canon ITV
351200	Utilización de locais incubadoras C.E.I.
352000	Laboratorio Rexional de Medio Ambente Industrial
352400	Garda de Menores
352500	Ensinanzas regradas de arte dramática
352600	Estudos superiores de deseño
360100	Venda de publicacións
360200	Uso de instalacións da EGAP
360300	Matrículas de cursos da EGAP
360400	Biblioteca EGAP
360600	Venda de cartografía
360700	Ensaios de laboratorios de control de calidade
361001	Campamentos e albergues. Campaña de verán
361002	Campamentos e albergues. Estancias
361100	Residencias xuvenís para estudantes
361200	Escolas infantís 0-3
361600	Venda de doses seminais e exemplares de animais
361601	Venda de doses seminais
361602	Venda de exemplares bovinos
361603	Venda de exemplares aviares
361604	Venda de exemplares ovinos
361605	Venda de exemplares porcinos
362000	Venda de especies cinexéticas
362100	Curso Consello Galego de Relacións Laborais
362400	Cesión temporal de locais do I.G.V.S.
362500	Servizos prestados no Laboratorio de Consumo de Galicia
362600	Cursos e talleres de artistas impartidos no Centro Galego de Arte Contemporáneo (CGAC)
362900	Cursos, xornadas e seminarios
362901	Matrícula ou inscrición
362902	Instalación de stands
363000	Reprodución parcial mediante fotocopia de publicacións e outros documentos elaborados polo I.G.E.
363100	Carné Xuventude
363101	Carné Xoven euro < 26
363200	Carnés T.I.V.E.
363201	Carné alberguista xoven
363202	Carné alberguista adulto
363203	Carné alberguista grupo
363204	Carné alberguista familiar
363205	Carné alberguista internacional
363206	Carné teacher (ITIC)
363207	Carné go < 25 (FIYTO)
363208	Carné Student (ISIC)
363300	Guía Internacional de Albergues
363400	Programas T.I.V.E.
363401	Campos de traballo
363402	Intercambios xuvenís
363403	Programas de turismo xoven
363404	Outras actividades T.I.V.E.
363500	Venda de follas de reclamacións no Instituto Galego de Consumo
363600	Venda de prendas do uniforme dos alumnos da Academia Galega de Seguridade Pública
363700	Explotación datos estatísticos. I.G.E.

| |

ANEXO II. RELACIÓN PREZOS: CÓDIGO E DENOMINACIÓN. (10)

(10) Anexo actualizado polas Resolucións da Dirección Xeral de Tributos do 18 de decembro de 1998 (D.O.G. nº 1, do 4 de xaneiro de 1999), do 28 de decembro de 1999 (D.O.G. nº 8, de 13 de xaneiro de 2000), do 22 de decembro de 2000 (D.O.G. nº 1, do 2 de xaneiro de 2001) e do 17 de decembro de 2003 (D.O.G. nº 251, do 29 de decembro de 2.003).

Relación Prezos: Código e denominación.

CÓDIGO	DENOMINACIÓN
351401	Venda de permisos de caza
351402	Venda de permisos de pesca
351500	Precintaxe de artes legais de pesca
351600	Arquivos e museos
351700	Residencias da terceira idade
351800	Centros sociais
351900	Residencias de Tempo Libre
352200	Centros de atención especializada a minusválidos psíquicos (CAMP).
352300	Servizos sociais da Mariña
360900	Productos e aproveitamentos forestais
361300	Productos agropecuarios
361400	Obxectos conmemorativos de exposicións
361500	Servizo de instalacións recreativo-deportivas
361700	Análises físicos, químicos e fisicoquímicos realizados nos Laboratorios agrarios e enolóxicos da Consellería de Agricultura, Gandeira e Política Agroalimentaria
361800	Venda de plantas e sementes en viveiro
361900	Venta de sementes e piñas en secadoiro
362200	Servizos C.G.A.I.

ANEXO III. MODELO DE LIQUIDACIÓN DE PREZOS. (documento PDF) (11)

(11) Modelo de liquidación de prezos substituído a todos os efectos polo modelo de liquidación en euros de prezos públicos/privados, aprobado pola Disposición Adicional Novena da orde da Consellería de Economía e Facenda do 27 de novembro de 2001 y que figura no seu Anexo XII (D.O.G. nº 242, do 17 de decembro de 2001).

ANEXO IV. MODELO MANDAMENTO DE INGRESO. (documento PDF)

| |

ANEXO V. TRANSFERENCIA DE ENTIDADES COLABORADORAS A SERVIZOS CENTRAIS. (12)

(12) Modificado polo anexo 2 da Orde do 2 de abril de 1997, da Consellería de Economía e Facenda.

DESCRICIÓN DA INFORMACIÓN

A información que se transfira consistirá nunha lista que detalle cada ingreso tramitado durante o mes correspondente, especificando os seguintes datos:

• Código do formulario de ingreso
• Orixe do ingreso: código da consellería, servizo e delegación.
• Suxeito pasivo: D.N.I. o C.I.F. e nome.
• Entidade tramitadora: códigos de entidade bancaria e sucursal.
• Código de taxa
• Data
• Importe ingresado

CONVENIOS DE TRANSFERENCIA

A continuación establécense algúns convenios para a transferencia.

1. Codificación
   Os códigos de consellería, servizo, delegación e taxa serán os facilitados pola Consellería de Economía e Facenda.
2. Soporte magnético
   Para transferir tal información existen dúas posibilidades:
   • Un ou máis disquetes de 3,5 pulgadas e alta densidade, formateados para IBM PC, contendo cada un deles un único ficheiro ASCII con rexistros de lonxitude fixa. O nome do ficheiro será < ccccmmaa.Dnn>, onde <cccc> corresponderá ó código da entidade colaboradora, <mm> ó mes, <aa> ó ano e < < nn > > día período quincena (05 ou 20). Este ficheiro será importado en servizos centrais utilizando a aplicación <xestión de taxas>.
   • Unha cinta de 1.200/2.440 pis, 9 pistas, 1.600 a 6.250 bpi, en EBCDIC, sen etiqueta e bloques de 10 rexistros con formato idéntico ó especificado para disquete.
3. Formato de ficheiro
   Os campos do ficheiro serán os seguintes:

Campos para dar formato ó ficheiro

Nome	Lonxitude	Comentarios
CÓDIGO	9	Código do ingreso
CON	2	Código da consellería
SVC	2	Código de servizo
DEL	2	Código de delegación
DNI	10	D.N.I. do suxeito pasivo
NOMBRE	50	Nome e apelidos do suxeito pasivo
BAN	4	Código da entidade colaboradora
SUC	4	Código de sucursal
TASA	6	Código de taxa
FECHA	8	Data do ingreso AAAAMMDD
IMPORTE	10	Importe sen decimais

ANEXO VI. RELACIÓN SALDOS CONTAS RESTRINXIDAS DE RECADACIÓN. (documento PDF) (13)

(13) Anexo engadido polo anexo 1 da Orde do 2 de abril de 1997, da Consellería de Economía e Facenda, previamente citada.