Orde do 10 de xaneiro de 2008 pola que se fixan as tarifas e os prezos correspondentes á prestación de servizos nas instalacións xuvenís e á expedición de carnés dirixidos á xuventude da Dirección Xeral de Xuventude e Solidariedade, durante o ano 2008.

Dando cumprimento ao disposto na Lei 6/2003, do 9 de decembro, procede actualizar os prezos dos servizos prestados nos campamentos, albergues, residencias e demais instalacións xuvenís dependentes da Vicepresidencia da Igualdade e do Benestar, ata agora fixados pola Orde do 28 de decembro de 2006 (DOG nº 2, do 2 de xaneiro), así como establecer os prezos dos diferentes carnés dirixidos á xuventude que se expiden a través dos servizos de xuventude, casas da xuventude, oficinas TIVE e outras entidadescolaboradoras.
A Lei 6/2003, que regula as taxas, prezos e exaccións, dispón no seu artigo 51, que a contía destes acordarase por orde da consellería correspondente, logo de informe favorable da Consellería de Economía e Facenda, por todo iso,

DISPOÑO:

Artigo1º

1. Os prezos exixibles pola prestación de servizos e actividades en campamentos, albergues, residencias e demais instalacións de xuventude, xestionados pola Dirección Xeral de Xuventude e Solidariedade, da Vicepresidencia da Igualdade e do Benestar, son os que se fixan no anexo I desta orde.
2. Os prezos relativos á expedición do Carné Xove Euro<26, Carné Máis, carnés de alberguista nas súas diferentes modalidades e carnés TIVE recóllense no anexo II.
3. Estes prezos enténdense, se é o caso, co IVE incluído. A xestión destes prezos privados farase de acordo co disposto no artigo 52 da Lei 6/2003, do 9 de
   decembro.

Artigo2º

1. Os prezos recollidos no anexo I desta orde serán expostos nos taboleiros de anuncios de cada centro en función do tipo de instalación e do uso ou non da enerxía eléctrica.
2. Os grupos que usen unha instalación xuvenil terán preferencia para o uso de todas as súas dependencias. Non aboarán suplemento polo uso das pistas polideportivas descubertas, pero terán a obriga de aboar as tarifas establecidas no anexo I desta orde, pola utilización dos polideportivos cubertos ou calquera material dos que alí figuran.
3. Calquera material, incluído nesta orde, que sexa usado polos grupos devolverase no mesmo estado en que lles foi cedido e reporase ao mesmo lugar en que se atopaba. Así mesmo, serán responsables tanto dos desperfectos que se causen no material coma da responsabilidade civil na que puideran incorrer por posibles danos a terceiros.

Para o emprego do material, que pola súa especificidade así o exixa, os grupos deberán contar con persoal especializado e coas titulacións necesarias para a súa utilización.

Os grupos deberán presentar no momento en que vaian facer uso de material que pola súa especializade así o requira, tanto o seguro que cubra a realización da actividade coma a acreditación das titulacións referidas no parágrafo anterior.

Artigo 3º

Os membros de familia que teñan o título de familia numerosa terán un desconto do 50% sobre os prezos relativos ás actividades promovidas pola Dirección Xeral de Xuventude e Solidariedade no programa Campaña de Verán.

Para estes efectos, o beneficiario do desconto deberá presentar, xunto coa documentación que proceda en cada caso, unha fotocopia compulsada do título de familia numerosa onde figure.

Artigo 4º

Os usuarios do Carné Xove Euro<26 e do Carne Máis gozarán en todas as actividades promovidas pola Dirección Xeral de Xuventude e Solidariedade, dun desconto como mínimo do 10% e como máximo do 50%. A porcentaxe de desconto aplicable en cada caso, especificarase no folleto informativo de cada un dos programas e actividades que se leven a cabo.

Disposición derrogatoria

Queda derrogada a Orde do 28 de decembro de 2006 pola que se fixan as tarifas e os prezos correspondentes á prestación de servizos nas instalacións xuvenís, expedición de carnés dirixidos á xuventude e participación en actividades promovidas pola Dirección Xeral de Xuventude, durante o ano 2007.

Disposición transitoria

Malia o disposto na disposición derrogatoria, segue vixente o prezo do servizo (por praza e mes) nas residencias xuvenís para estudantes contido na alínea C da Orde do 28 de decembro de 2006, durante o curso 2006/2007.

Disposicións derradeiras

Primeira.-

Facúltase o director xeral de Xuventude e Solidariedade para ditar, no ámbito das súas competencias, as resolucións precisas para o desenvolvemento desta orde.

Segunda.-

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 10 de xaneiro de 2008.
Anxo Manuel Quintana González
Vicepresidente da Igualdade e do Benestar

| |

ANEXO I

Prezos relativos á utilización e os servizos prestados nos campamentos, albergues e residencias xuvenís titularidade da Vicepresidencia de Igualdade e do Benestar.

1. Pola utilización dos campamentos e albergues xuvenís durante a campaña de verán establécense os seguintes prezos por praza:
   1. En réxime de oferta concertada (dirixida a grupos).
      1. Campamentos:

         Tarifas para campamentos

         Descrición	Tarifa en euros
         Por quincena	114
         Por día	11

      2. Albergues e residencias:

         Tarifas para albergues e residencias

         Descrición	Tarifa en euros
         Por quincena	153
         Por día	16,30

      Estes prezos abranguen os seguintes servizos: o aloxamento, alimentación en réxime de pensión completa, o uso das instalacións e material de conformidade co establecido no artigo 2º.2 e 2º.3, o consumo de auga, electricidade e combustible, agás o material de actividades específicas de animación.

      Aqueles grupos que figuren inscritos no rexistro da Vicepresidencia da Igualdade e do Benestar como entidades prestadoras de servizos sociais, gozarán dun desconto do 50% sobre os prezos desta epígrafe.

   2. En actividades promovidas pola Dirección Xeral de Xuventude e Solidariedade.
   1. Campamentos:

      Tarifas para campamentos

      Descrición	Tarifa en euros
      Actividades náuticas (por quincena)	168
      Actividades ao aire libre/medio natural,lúdicodeportivas e culturais (por quincena)	143
      Actividades ao aire libre/medio natural, lúdicodeportivas e culturais (quenda de 7 días)	82
      Actividades turístico-deportivas (por quincena)	168

   2. Albergues:

      Tarifas para albergues

      Descrición	Tarifa en euros
      Actividades náuticas (por quincena)	188
      Actividades ao aire libre/medio natural,lúdicodeportivas e culturais (por quincena)	180
      Actividades ao aire libre/medio natural, lúdicodeportivas e culturais (quenda de 7 días)	92
      Actividades turístico-deportivas (por quincena)	180

   3. Campos de traballo

      Tarifas para campos de traballo

      Descrición	Tarifa en euros
      Ámbito autonómico e nacional (por quincena)	72
      Ámbito internacional (por quincena)	72

2. Por servicios nos albergues e residencias integrados na Rede Española de Albergues Xuvenís (REAX), establécense os seguintes prezos por persoa:

   Tarifas por servicios nos albergues e residencias

   Servizos	Ata 30 anos	Maiores de 30 anos
   Pensión completa	16,50	21,50
   Aloxamento	7,50	11
   Almorzo	2,50	2,50
   Xantar ou cea	6,70	6,70

   Para facer uso destes servizos deberase posuír o carné de alberguista en calquera das súas modalidades.

3. Servizo nas residencias xuvenís para estudantes (por praza e mes), durante o curso 2008/2009, que abrangue do 18 de setembro de 2008 ao 15 de xullo de 2009.

   Tarifas por servizo nas residencias xuvenís para estudantes

   Descrición	Tarifa en euros
   Residentes internos	263

4. Pola utilización das instalacións recreativo-deportivas.
   1. Uso de pavillón polideportivo cuberto/hora:
      • Sen enerxía eléctrica: 11.
      • Con enerxía eléctrica: 20
   2. Uso de pistas polideportivas descubertas/hora:
      • Sen enerxía eléctrica: 5.
      • Con enerxía eléctrica: 8.
   3. Uso de pistas de tenis/hora: 3,50.
   4. Uso de piscina non climatizada/hora: 2,50.
   5. Uso de material náutico. A gasolina será por conta do solicitante:

      Tarifas por uso de material náutico

      Descrición	Tarifa en euros
      Un barco de vela media xornada	6
      Un barco de vela unha xornada	11
      Unha embarcación pneumática a motor media xornada	11
      Unha embarcación pneumática a motor unha xornada	21
      Unha canoa media xornada	4
      Unha canoa unha xornada	7

   6. Uso de bicicletas:

      Tarifas por uso de bicicletas

      Descrición	Tarifa en euros
      Unha bicicleta media xornada	4
      Unha bicicleta unha xornada	7

   7. Uso do rocódromo:

      Tarifas por uso do rocódromo

      Descrición	Tarifa en euros
      Uso do rocódromo media xornada	3
      Uso do rocódromo unha xornada	6

5. Por uso de locais:

   Tarifas por uso de locais

   Descrición	Tarifa en euros
   Media xornada	7
   Unha xornada	11

   Media xornada é unha mañá ou unha tarde cun máximo de catro horas.

   O réxime de pensión completa para grupos xa inclúe o uso das dependencias necesarias para o desenvolvemento do programa.

6. Pola utilización dos campamentos e albergues para actividades recreativas ao aire libre:
   1. Acampadas (con tendas da entidade): 3 euros/día e persoa.
   2. Actividades recreativo-culturais en albergues (convivencia):
      • 15 euros/día/grupo de ata 50 usuarios.
      • 22 euros/día/grupo de 51 a 100 usuarios.
      • 37 euros/día/grupo de 101 a 200 usuarios.
      • 71 euros/día/grupo de 201 a 300 usuarios.

| |

ANEXO II

Prezos pola expedición dos diferentes carnés dirixidos á xuventude

Prezos de expedición

Descrición	Tarifa en euros
Carné Xove Euro<26	6
Carné alberguista xove	5
Carné alberguista adulto	12
Carné alberguista grupo	15
Carné alberguista familiar	24
Carné alberguista para estranxeiros (completo)	21
Carné alberguista para estranxeiros (cupón)	3,50
Guía internacional de albergues	11
Carné teacher (ITIC)	8
Carné internacional xove (IYTC)	6
Carné student (ISIC)	6

Anexo modificado pola Orde do 21 de febreiro de 2008 (DOG nº 68 do 9 de abril de 2008)