Decreto 320/1992, de 12 de noviembre, que regula o prezo percibido polo resto dos servizos prestados polos museos e arquivos. (DOG nº 231 de 26 de novembro de 1992).

Versión consolidada dos Decretos 295/1994 e 320/1992.

A Lei 13/1991 , do 9 de decembro, de taxas, prezos e exaccións reguladoras da Comunidade Autónoma de Galicia (1) establece, no seu capítulo 2º do título II, o réxime xeral de xestión, recadación e recursos en materia de prezos públicos.

O artigo 12º da mencionada Lei sinala igualmente  que os prezos públicos serán fixados por decreto, por proposta da consellería da que dependa o órgano ou entidade oferente.

Por outra parte, a Comunidade Autónoma de Galicia ten competencia exclusiva en materia de arquivos e museos de interese para Galicia, en virtude do disposto  polo Estatuto de Autonomía de Galicia, sen prexuízo do disposto no artigo 149.1.28 da Constitución. Así mesmo, a Comunidade Autónoma asumiu a xestión dos arquivos e museos de titularidade estatal sitos no seu territorio, en virtude do convenio asinado o 5 de decembro de 1989  co Ministerio de Cultura.

Sendo, pois, necesario regula-la percepción dos prezos públicos por servizos efectuados nos arquivos e museos de titularidade Autónoma, o Consello da Xunta de Galicia, por proposta do Conselleiro de cultura e Xuventude, na súa reunión do día doce de novembro de mil novecentos noventa e dous,

DISPÓN:

TITULO PRELIMINAR

Artigo 1.º Obxecto.

O presente decreto ten por obxecto a fixación dos prezos públicos percibidos pola Xunta de Galicia nos  arquivos e museos xestionados pola Comunidade  Autónoma de Galicia e nos de titularidade  autonómica.

TITULO I.-PREZOS PUBLICOS PERCIBIDOS  NOS ARQUIVOS DE TITULARIDADE AUTONOMICA  E NOS  XESTIONADOS POLA COMUNIDADE  AUTONOMA

Art. 2.º Clases de prezos públicos percibidos nos arquivos.

Se establecen os seguintes prezos públicos nos arquivos:

1. Copias de documentos.
2. Buscas.
3. Autorización para publicar fotocopias.

Art. 3.º Copias.

A efectos deste decreto constitúen copias de documentos as reproducións de documentos depositados  nun arquivo mediante  a utilización de sistemas mecánicos o automatizados, realizada con fins non venais.

Art. 4.º Buscas.

1. Constitúen buscas as localizacións de documentos non  signaturados a petición dun particular.
2. Serán gratuítas as buscas realizadas a petición de calquera  institución pública ou dun particular cando  a localización afecte a dereitos fundamentais do  mesmo.

Art. 5.º Autorización para publicar fotocopias.

Expedirase  autorización para publicar fotocopias de documentos custodiados nun arquivo de titularidade autonómica o xestionado pola Comunidade Autónoma sempre que o peticionario non teña ánimo de lucro e a sía intención sexa de investigación o u con ánimo cultural.

TITULO II.-PREZOS PUBLICOS PERCIBIDOS NOS MUSEOS DE TITULARIDADE AUTONOMICA  E NOS  XESTIONADOS POLA COMUNIDADE AUTONOMA

Art. 6.º Clases de prezos públicos en museos.

Se establecen os seguintes prezos públicos a percibir en los museos de titularidade autonómica  e  nos museos  xestionados pola Comunidade Autónoma:

1. Entrada.
2. Copias.

Art. 7.º Entradas (2). (modificado polo Decreto 295,1994, do 30 de setembro)

1. Nos museos de titularidade autonómica e nos xestionados pola Comunidade Autónoma se percibirá o prezo das entradas, durante as horas habitualmente establecidas, coas seguintes excepcións:
   1. Os menores de idade civil.
   2. Os maiores de sesenta y cinco años o xubilados.
   3. Os membros das fundacións ou asociacións de amigos do museo correspondinte cando estas teñan concertada a exención coa a Administración titular do museo.
   4. O voluntariado cultural  e  educativo.
2. Prezos reducidos.
   Terán dereito a redución do 50%  no prezo da entrada ós museos ós que se refire o presente Decreto:
   1. Os titulares de carné xove, carné de estudante ou seus correspondentes internacionais.
   2. Os grupos, vinculados a institucións de carácter cultural ou educativo, constituídos por quince ou máis membros, previa solicitude de visita ante o responsable do  museo, con unha antelación  mínima de quince días.
3. Autorizacións especiais.
   A Consellería de Cultura ou os directores dos museos poderán autorizar a entrada gratuíta ou con prezo reducido ás persoas ou grupos que o soliciten por motivos profesionais,  de estudo  ou de investigación.
4. Visita pública gratuíta.
   Poderanse visitar gratuitamente os museos a que se refire este decreto nos seguintes días:
   1. Os sábados dende as catorce trinta horas ata  a hora de peche e os domingos dende a hora de apertura ata la hora de peche.
   2. O día 18 de maio, Día Internacional dos Museos.
   3. O día 25 de xullo, Día Nacional de Galicia.
   4. O  día 12 de outubro, Festa Nacional de España.
   5. O día da Constitución Española.

Art. 8.º Copias.

A efectos deste decreto, constitúen copias de pezas de museos as reproducións dos obxectos depositados nun  museo mediante calquera  sistema.

TITULO III.-TARIFAS (3)

Art. 9.º Tarifas en arquivos.

Os prezos públicos se esixirán nos arquivos de titularidade autonómica e xestionados pola Comunidade Autónoma  de acordo  cas seguintes tarifas:

1. Copias.
   1. Fotocopias: por cada folio:
      • A4: 12 Ptas.  (0,072121 €).
      • A3: 18 Ptas. (0,108182 €).
   2. Listado de ordenador.
      • Por cada páxina:  12 Ptas. (0,072121 €).
   3. Copia en disquete.
      • Disquete de alta densidade:
        • 3 1/2: 250 Ptas. (1,502530 €)
        • 5 1/4: 175 Ptas. (1,051771 €)
      • Disquete de dobre  densidade:
        • 3 1/2: 175 Ptas. (1,051771 €)
        • 5 1/4: 115 Ptas. (0,691164 €)
      • Por cada unha das páxinas: 12 Ptas. (0,072121 €).
   4. Microfilmes.
      • Por cada fotograma de 35 mm: 10 Ptas. (0,060101 €)
      • Por cada fotograma de 16 mm: 6 Ptas. (0,036061 €)
      • Reprodución en papel de un fotograma: 12 Ptas. (0,072121 €).
   5. Fotografía:
      • Positiva 18x24: 250 Ptas. (1,502530 €).
      • Positiva 24x30: 300 Ptas. (1,803036 €)
2. Buscas.
   • Hora empleada: 260 Ptas. (1,562631 €)
3. Autorización para publicar fotocopias: 138 Ptas. (0,83 €)

Art. 10. Tarifas en museos (4). (modificado polo Decreto 295,1994, do 30 de setembro)

Os prezos públicos se esixirán nos museos de titularidade autonómica e nos xestionados pola Comunidade de acordo coas seguintes tarifas: (5)

1. Entrada: 400 pesetas (2,40 €).
2. Copias.
   1. Fotografía:
      • Positiva 18 x 24: 250 pesetas (1,50 €).
      • Negativa 24 x 30: 300 pesetas (1,80 €).

Disposición adicional.

A xestión, liquidación e recadación dos prezos públicos establecidos en este decreto se axustarán  ó disposto  no Decreto 172/1992, de 26  xuño. (6)

Disposición derradeira.

Este decreto entrará en vigor ó día seguinte ó da súa publicación no «Diario Oficial de Galicia».

(1) A referencia se entende feita á actual Lei 6/2003, de 9 de decembro, de taxas, prezos e exaccións reguladoras da Comunidade Autónoma de Galicia (DOG nº 240 del 11 de decembro de 2003).

(2) Este artigo foi  modificado polo Decreto 295/1994, de 30 de setembro.

(3)Cantidade  expresada co seu equivalente en euros como consecuencia de súa conversión pola entrada en vigor da Lei  46/1998, de 17 de decembro, de Introducción do Euro

(4) O seu contido foi modificado polo Decreto 295/1994, de 30 de setembro.

(5)Cantidade expresada co equivalente en euros como consecuencia da súa conversión pola entrada en vigor da Lei 46/1998, de 17 de decembro, de Introdución do Euro.

(6)Este decreto foi derrogado polo actual decreto 61/2005, do 7 de abril, polo que se ditan as normas para a aplicación das taxas e prezos da Comunidade Autónoma de Galicia (DOG de 14 de abril de 2005).