Decreto 123/1985, de 2 de maio, que regulamenta os prezos públicos percibidos polas Residencias da Terceira Idade e Centros Sociais. (DOG nº 126 do 3 de xullo de 1985).

Só se amosa a parte do decreto que afecta ao código tratado 351700 - Residencias da Terceira Idade.

Conforme ó artigo 44 do Estatuto de Autonomía , a facenda da Comunidade Autónoma  constitúese, entre outros rendementos polos ingresos de dereito privado, ben consistan estes en froitos, rendas e intereses de bens e dereitos patrimoniais, ben en rendementos e ingresos de servizos e actividades que non teñan natureza tributaria.

Pola súa parte, a Lei orgánica 8/1980, de 22 de setembro, de financiamento das Comunidades Autónomas  no seu artigo cuarto se pronuncia en idéntico sentido.

O artigo 18 da Lei 1/1985, de 10 de xaneiro , de Presupostos Xerais da Comunidade Autónoma, ademais de conter o concepto do que ha de entenderse por prezo público, establece que a Xunta fixará os que deban de ser exixibles pola Administración Autonómica.

Na súa virtude, en cumprimento do disposto no citado artigo 18 da Lei 1/1985, de 10 de xaneiro (citada), a proposta do Conselleiro de Economía e Facenda e previa deliberación do Consello da Xunta en reunión do día dous de maio de mil novecentos oitenta  e cinco,

dispoño:

Artigo  único.

As tarifas exixibles polos prezos públicos a que se refire o artigo 18 da Lei do Parlamento de Galicia 1/1985, de 10 de xaneiro de Presupostos Xerais de la Comunidade Autónoma de Galicia para 1985 son as que se fixan nos anexos de este Decreto.

Disposición final.

O presente Decreto entrará en vigor ó día seguinte da súa publicación no «Diario Oficial de Galicia».

ANEXO 3
Consellería de Traballo, Seguridade  Social  e Emigración

1. Residencias de anciáns. (Nosa  Señora.dos Miragres e a Miragrosa).
   1. Os que perciban a pensión asistencial regulada no R.D. 2620/1981, de 24 de xullo, pensións do F.A.S., aboarán o 50 por cento da cantidade que perciban, excepto as pagas extraordinarias da pensión que quedarán integramente a disposición de seus perceptores.
   2. Os que reciban outras pensións, rendas de bens ou calquera outro tipo de ingresos, aboarán o 75 % das cantidades que perciban, excepto das pagas extraordinarias das pensións que quedarán integramente a disposición dos seus perceptores.
   3. Cando os dous cónxuxes dun matrimonio sexan beneficiarios nestas residencias, a cota que deban aboar se fixará individualmente de acordo cos ingresos de cada un  deles.
   4. En ningún caso, a cota a satisfacer poderá ser superior ao custe da praza, sendo este  o  máximo a aboar en todos os supostos.