Xunta Superior de Facenda
A Xunta Superior de Facenda é o órgano competente para o coñecemento e resolución das reclamacións económico-administrativas relativas a tributos propios ou ingresos de dereito público.
É un órgano adscrito á Consellería de Economía e Facenda da Xunta de Galicia, como órgano propio dela e terá a súa sede na dos órganos centrais da mesma.
- Enderezo:
- Edificio Administrativo San Caetano, nº
3
15771 Santiago de Compostela (A Coruña) - Tfnos.:
- 981 544192
981 545105 - Fax.:
- 981 957469
- Forma de presentación das reclamacións:
- As reclamacións dirixiranse ao órgano administrativo que ditara o acto reclamable o cal as remitirá á Xunta Superior de Facenda, a presentación poderase facer na forma sinalada no art. 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común. No caso de presentación por correo deberá ser certificado e constar o seu rexistro en correos aos meros efectos de data e constancia de presentación da reclamación .
- Prazo de presentación das reclamacións:
- 1 mes, de acordo co previsto no art. 235 da Lei 58/2003, de 17 de decembro, Xeral Tributaria .
- Prazo máximo de resolución das reclamacións:
-
1 ano, no caso de procedemento xeral económico administrativo.
6 meses, no caso de procedemento abreviado ante órganos unipersoais.
1 mes, no caso de recursos de anulación.
1 ano, no caso de resolución de recursos de revisión.
6 meses, no caso de rectificación de erros.
- Materias reclamables:
-
- A xestión, inspección e recadación dos tributos propios da Facenda da Comunidade e, en xeral, de tódolos ingresos de dereito público que lle correspondan a esta, coa exclusión expresa dos tributos cedidos polo Estado á Xunta de Galicia e das recargas que se establezan por esta sobre tributos estatais.
- O recoñecemento ou liquidación por autoridades ou organismos da Consellería de Economía e Facenda de obrigacións do Tesouro e da Facenda galega e as cuestións relacionadas coas operacións de pagamento polos citados órganos con cargo ao mesmo .
- Calquera outra da que por precepto legal expreso así se declare .
- Competencias.
-
- Reclamacións económico-administrativas que se interpoñan contra os actos ditados polos órganos centrais da Consellería de Economía e Facenda ou doutras consellerías e os seus organismos autónomos ou entes relacionados coas materias a que se refire o artigo 1º do presente decreto .
- Reclamacións económico-administrativas que se interpoñan contra os actos ditados polos órganos periféricos da Administración da Xunta de Galicia ou dos seus organismos autónomos, relacionados coas materias a que se refire o artigo 1 do presente decreto .
- Recursos extraordinarios de revisión promovidos contra os actos firmes, ditados polos órganos aos que se refiren as letras a) e b) da presente alínea, e as resolucións da propia Xunta Superior de Facenda .
Os actos ditados polo conselleiro de Economía e Facenda da Xunta de Galicia en ningún caso serán susceptibles de reclamación económico-administrativa. Corresponderalle ó conselleiro a competencia para coñecer e resolver os recursos extraordinarios de revisión que se interpoñan contra os seus propios actos .
-
- Normativa reguladora:
-
- Lei 13/1991, do 9 de decembro, de taxas, prezos e exaccións reguladoras da Comunidade Autónoma de Galicia. Pola súa disposición adicional primeira (lei 13/1991) créase o Tribunal Económico-Administrativo da Comunidade Autónoma de Galicia (D.O.G.nº 241, do 13 de decembro de 1991).
- Decreto 34/1997, do 20 de febreiro, polo que se regula a organización, as competencias, a composición e o funcionamento do Tribunal Económico Administrativo da Comunidade Autónoma de Galicia (D.O.G.nº 44, de 5 de marzo de 1997).
- Lei 6/2003, do 9 de decembro, de taxas, prezos e exaccións reguladoras da comunidade autónoma de Galicia. Pola súa Disposición Adicional Primeira (lei 6/2003) modifícase o nome do órgano coņecido como Tribunal Económico Administrativo da Comunidade Autónoma de Galicia a Xunta Superior de Facenda (D.O.G. Núm.240 de 11 de decembro de 2003).
- Lei 58/2003, do 17 de decembro, xeral tributaria (B.O.Enº 302, do 18 de decembro de 2003).
- Real Decreto 520/2005, do 13 de maio, polo que se aproba o Regulamento xeral de desenvolvemento da Lei 58/2003, de 17 de decembro, xeral tributaria, en materia de revisión en vía administrativa (B.O.E nº 126, de 27 de maio de 2005)
- Memorias