Secretaría Xeral e do Patrimonio

A Secretaría Xeral e do Patrimonio é o órgano encargado de realizar as funcións propias de estudo e documentación da Consellería, de xestionar os servizos comúns dela e prestar asistencia técnica e administrativa ao Conselleiro.   Ademais, asume as competencias que a normativa reguladora do patrimonio da Comunidade autónoma lle atribúe á Consellería.

Exercerá as competencias e funcións establecidas no Decreto 119/1982, do 5 de outubro, e calquera outra que lle atribúa a normativa en vigor, entre as que se inclúen:

• Asistencia ao Conselleiro nos asuntos que lle encomende e, no caso de ausencia ou enfermidade deste, o despacho e sinatura de asuntos de trámite.
• Elaborar o anteproxecto de orzamentos da Consellería. Formular programas de gastos e actuacións e a súa avaliación.
• Dirixir as funcións de carácter técnico-xurídico.
• Expedientes de contratación de obras, servizos, subministracións e asistencia técnica da Consellería.
• A Xestión do persoal adscrito á Consellería. A habilitación de persoal e material, así como a autorización de anticipos ao persoal da Administración da Comunidade Autónoma.
• A elaboración e publicación de estudos e estatísticas da Consellería

En materia patrimonial correspóndenlle, entre outras, as seguintes funcións:

• As atribuídas á Consellería polas normas reguladoras do patrimonio da Comunidade Autónoma. Formular directrices no tráfico xurídico dos bens patrimoniais e no emprego dos de dominio público, e coordinar a súa  xestión e administración.



• Informar as operacións de creación, modificación e disolución das sociedades mercantís e demais entes do sector público empresarial, e elaborar propostas para o exercicio das facultades derivadas da participación no capital das sociedades mercantís.

Edificios administrativos – San Caetano, s/n
15781 Santiago de Compostela
Correo electrónico: secretaria.xeral@xuntaeco.org
Teléfono: 981 54 41 21
Fax: 981 54 41 25

Secretaria xeral: Inmaculada Viña Carregal

Secretaría
Secretaria: Mª Jesús Ferro Magariños
Teléfono: 981 54 41 21
Fax: 981 54 41 25