Declaración de accesibilidade

Esta declaración de accesibilidade está referida a todos os contidos amosados na web da Consellería de Economía e Facenda exceptuando os incluídos na Oficina Virtual.

Este sitio web deseñouse coa intención de que puidesen acceder ao mesmo o meirande número posible de persoas. Con este fin seguíronse as directivas de accesibilidade para o contido web da WAI (Iniciativa de Accesibilidade na Web) do W3C.

Estas directivas organízanse en niveis, do xeito seguinte:

[Prioridade 1]

Unha persoa que desenvolva contido Web debe satisfacer este punto de verificación. Doutro modo, será imposible que un ou varios grupos accedan á información do documento. Satisfacer este punto é un requirimento básico para que algúns grupos podan usa-los documentos Web.

[Prioridade 2]

Unha persoa que desenvolva contido Web debería satisfacer este punto. Doutro modo, será difícil que un ou varios grupos accedan á información do documento. Satisfacer este punto eliminará barreiras significativas para acceder aos documentos Web.

[Prioridade 3]

Unha persoa que desenvolva contido Web pode cumprir este punto. Doutro modo, será en maior ou menor grao difícil que un ou varios grupos accedan á información do documento. Satisfacer este punto mellorará o acceso aos documentos Web.

De acordo con isto, defínense 3 niveis de cumprimento do documento:

Nivel de cumprimento "A":

Satisfácense tódolos puntos de comprobación de Prioridade 1.

Nivel de cumprimento "Dobre A":

Satisfácense tódolos puntos de comprobación de Prioridade 1 e 2.

Nivel de cumprimento "Triple A":

Satisfácense tódolos puntos de comprobación de Prioridade 1, 2 e 3.

Estas son algunhas das características do sitio web que axudan a mellorar a accesibilidade:

Aspecto visual

• Neste sitio web faise un uso intensivo das follas de estilo (css), coa fin de separar o contido da presentación. Púxose coidado en que as páxinas sexan lexibles en navegadores que non comprenden as devanditas follas de estilo.
• Os tamaños de letra son sempre relativos. Isto permite que a persoa que vexa as páxinas varíe o tamaño de letra, se así o desexa, mediante as ferramentas do navegador. Así, en Internet Explorer isto se acada con "Ver - Tamaño de texto", en Opera, con "Ver - Escala", en Netscape 7 con "Ver - Zoom del texto".
• As imaxes dispoñen de etiquetas descritivas.
• No deseño das páxinas non se empregan táboas. Estas só se usan para amosar datos que así o requiren.
• Non se emprega a cor coma único criterio para distingui-la información. Así facilítase a accesibilidade para as persoas con dificultades para distingui-las cores e para as que empregan dispositivos non visuais.

Varios

• O código da páxina indica o idioma do documento, así coma os cambios de idioma que no texto. Isto mellorará a accesibilidade nos navegadores non visuais.
• Indícanse no posible as abreviaturas e acrónimos. Algúns navegadores - Internet Explorer 6, Opera 7, Netscape Navigator 7 -, amosarán unha descrición da abreviatura cando se pasa o rato por riba desta. Nos lectores de pantalla, isto facilitará a comprensión do texto.
• Algunhas páxinas empregan javascript para facilitar a navegación ou o acceso á información. Esta información está dispoñible igualmente se o navegador non pode traballar con javascript ou o ten deshabilitado.
• Tanto os formularios coma a navegación en xeral son independentes do dispositivo (non se presupón que a navegación se levará a cabo coa axuda dun rato).

Ligazóns

• As ligazóns non abren novas xanelas do navegador, salvo que se indique expresamente o contrario.
• Cando o texto da ligazón non é explicativo, engadiuse unha descrición da mesma, visible en moitos navegadores cando se pasa o rato por riba da ligazón.
• O texto das ligazóns non está duplicado: dous enlaces co mesmo texto apuntan ao mesmo enderezo. Isto axuda a que o texto das ligazóns teña sentido cando se le fora de contexto.

Axudas á navegación

• Proporciónanse a posibilidade de saltar os grupos de ligazóns e acceder directamente ao contido principal da páxina. Isto é importante nos navegadores non visuais.
• Os documentos divididos en varias páxinas posúen enlaces co atributo "rel" que facilitan a navegación nos navegadores de texto.

Teclas de acceso

A meirande parte dos navegadores permiten o uso das teclas de acceso para ir directamente a certas partes da páxina ou a certas ligazóns. En windows, deberase premer ALT + tecla de acceso, en Macintosh, Control + tecla de acceso. Neste sitio web están definidas as seguintes teclas de acceso:

Enlaces ao sitio web da Consellería de Economía e facenda

Tecla de acceso 1

Páxina de inicio (só nas páxinas internas da web)

Tecla de acceso 2

Organización da Consellería de Economía e Facenda

Tecla de acceso 3

Normativa da Consellería de Economía e Facenda

Tecla de acceso 4

Documentos da Consellería de Economía e Facenda

Tecla de acceso 5

Mapa do sitio web da Consellería de Economía e Facenda

Tecla de acceso 6

Páxina de novas da Consellería de Economía e Facenda

Tecla de acceso 7

Oficina Virtual Tributaria

Tecla de acceso 8

Oficina Virtual do Empregado Público

Tecla de acceso 9

Oficina Virtual Perceptores

Tecla de acceso C

Páxina do Caixón de Suxestións do web

Tecla de acceso B

Buscador da Consellería de Economía e Facenda (só dende as páxinas internas do web)

Funcionamento do sitio web

Empréganse os mesmos mecanismos de navegación en todo o sitio web:

• Ligazóns definidas mediante os atributos "rel" (algunhas páxinas poden incluír algunha ligazón máis). Non todo os navegadores amosarán esta información:
• Na parte superior, e debaixo do letreiro de presentación da Consellería, inclúese unha barra de operacións para facilitar as seguintes tarefas:
  • cambiar de idioma na páxina visitada,
  • retornar á páxina principal do web,
  • acceder ao caixón de correo de suxestión para notificar dúbidas, etc.
  • realizar a busca de contidos na web directamente.
• Todas as páxinas inclúen una barra lateral onde se ten acceso ás distintas partes principais do web:
  • Áreas,
  • Oficina virtual,
  • Documentos,
  • Normativa,
  • Consellería,
  • Actualidade e Novas ,
  • Información sobre a web.
• Na parte central atópase o corpo da páxina.
• Por último, e na parte inferior, disponse dun pe de páxina onde se da acceso á declaración de accesibilidade do web, o aviso legal da páxina e ofrecese a última data de actualización dos contidos sempre que sexa posible.

A distribución da páxina de inicio é un pouco distinta:

• Ligazóns definidas mediante os atributos "rel" (non todos os navegadores amosarán esta información).
• Na parte superior un letreiro de presentación da web da Consellería de Economía e Facenda.
• Debaixo do letreiro de presentación da Consellería, inclúese unha barra de operacións para facilitar as seguintes tarefas:
  • cambiar de idioma na páxina visitada,
  • acceder ao mapa de contidos do web da Consellería,
  • acudir ao caixón de correo de suxestión para notificar dúbidas, etc.
  • acceder á web da Xunta de Galicia,
  • realizar a busca de contidos na web directamente.
• Coma contido principal da páxina, pódense diferenciar dúas seccións ben definidas. Na parte esquerda atópanse unha serie de cadros onde se inclúen os contidos principais do web, dando acceso á Oficina Virtual, ás Áreas, á Normativa, aos Documentos, á información da Consellería e aos webs dos organismos autónomos dependentes da mesma.
• No lateral atópase un conxunto de información dinámica como é a sección de novas que só será visible se o navegador utilizado dispón dun interprete de javascript axeitado, en caso de non dispor de javascript aparecerá unha mensaxe indicando este problema e unha ligazón á páxina principal de novas da Consellería de Economía e Facenda. Tamén hai un acceso a un conxunto de elementos destacados.